დღე მეცხრე

     დღე დაიწყო ხარვეზების გასწორებით პორტფოლიოში, შემდეგ  წარმოვადგინეთ პროექტების პრეზენტაცია, რომელიც ძალიან საინტერესო იყო.
     უდავოდ, ამ ტრენინგის კურსს ("პროექტებით სწავლება" )  უნაყოფოდ არ ჩაუვლია. ეს დამეხმარება განვახორციელო პროექტები, რომელიც  ხელსშეუწყობს მოსწავლეთა მოტივაციის ამაღლებას და სწავლისადემი ინტერესს, რისთვისაც მადლობას ვუხდი ტრენერს, ბატონ გიორგი არავიაშვილს და ასევე, ტრენინგში მონაწილე  217- ე სკოლის მასწავლებლებს  სასიამოვნო  ურთიერთთანამშრომლობისთვის.

დღე მერვე

     დღე ძალიან აქტიური  და მრავლისმომცველი  იყო. განვიხილეთ დავალებები - მასწავლებლის პრეზენტაცია და სასწავლო პროექტის გეგმის ის ნაწილი, რომელიც შეეხებოდა დიფერენცირებულ სწავლებას.  

გავიხსენეთ  drive-დან  ბლოგზე ან სხვა სოციალურ ქსელში დოკუმენტის (საქაღალდის) გაზიარება, ვისწავლეთ რამდენიმე ფაილის ერთად კოპირება და ჩასმა.

  შევისწავლეთ youtobe-დან ვიდეოს განთავსება ბლოგზე, ასევე ჩვენ მიერ გადაღებული ვიდეოს განთავსება ბლოგზე ან youtobe-ზე. სასწავლო პროცესში ამ მასალას აუცილებლად გამოვიყენებ.

    ბოლო ტრენინგისათვის უნდა გადავხედოთ  ყველა დავალებას, რომელიც უნდა  განვათავსოთ ბლოგზე არსებული პორტფოლიოს საქაღალდეებში და მოვემზადოთ პრეზენტაციისათვის. 

ხრიდოლი

დღე მეშვიდე

               დღე დავალების განხილვით დავიწყეთ. წარმოვადგინეთ ჩვენ  მიერ შექმნილი შეფასების რუბრიკები და პრეზენტაციის შეფასების ჩეკლისტები. ვისწავლეთ როგორ შევავსოთ პროექტის გეგმაში 'შეფასების ინსტრუმენტების მოკლე მონახაზი  და  საბაზისო უნარ-ჩვევები. შევისწავლეთ პორტფოლიოს შექმნა, ასევე Drive-ზე არსებული დოკუმენტების ბლოგზე განთავსება,   დრაივზე  არსებულ საქაღალდეებში დოკუმენტების შეტანა,როგორც სხვადასხვა საქაღალდეებიდან, ასევე პირადი მეილიდან. შემდგომში  ყველა დავალებას მოვათავსებთ ჩვენ მიერ შექმნილ პორტფოლიოში.

                სახელმძღვანელოში უნდა წავიკითხოთ  მე- 6 და მე-7 მოდულები და მისი დახმარებით შევავსოთ პროექტის გეგმაში  დიფერენცირებული სწავლების ნაწილი და დავასრულოთ პროექტის გეგმაზე მუშაობა.

დღე მეექვსე

დღე  ჩვეულებისამებრ, დავალებების შემოწმებით დაიწყო.  წარმოვადგინეთ მოსწავლის სავარაუდო ნამუშევრები და ჩეკლისტი, ასევე შეფასების კრიტერიუმები, რომელიც უნდა დავასრულო.

ვისწავლეთ Google-Drive-ის, როგორც ელექტრონული მეხსიერების მოხმარება. შევქმენით საქაღალდეები პორტფოლიოსთვის და დავარქვით სახელები. განვათავსეთ მასში ელექტრონული ფორმის ტესტირებისთვის „ვმვ“ სტრატეგიის კითხვები.

დავალება: დასამუშავებელი მაქვს სასწავლო პროცედურები, პრეზენტაციისა და კოლაბორაციული რუბრიკები.

დღე  საკმაოდ საინტერესო იყო და ასევე სიახლით გამოირჩეოდა.

დღე მეხუთე

დღე დაიწყო  დავალებების განხილვით, შემდეგ  გავეცანით, როგორ გავაკეთოთ კომენტარი  ბლოგზე, რაც განვახორციელეთ კოლეგების ბლოგებზე. ბ-ნი გიორგი გვესაუბრა ინფორმაციის საავტორო უფლებების დაცვასა და მის ნიშნებზე. განვიხილეთ მე-4 მოდული -სასწავლო ნიმუშების შექმნა და დავათვალიერეთ  მოსწავლეთა სავარაუდო ნაშრომები.
დავალება: უნდა გავაკეთო თემასთან მორგებული ჩეკლისტი რითაც უნდა იხელმძღვანელონ მოსწავლეებმა  (ერთ-ერთმა ჯგუფმა) და შევქმნა ბროშურა ან გავაკეთო პრეზენტაცია . ეს იქნება სავარაუდო ნამუშევარი რომელიც მინდა მოსწავლეებისაგან მივიღო.

დღე მეოთხე

დღეს განვიხილეთ დაწვრილებით შეფასების რუბრიკები და სტრატეგიები ცხრილში როგორ უნდა გაგვენაწილებინა. ვისწავლე, ბლოგზე გვერდების დამატება და თანმიმდევრობის შეცვლა. დავიწყე ბროშურის ელექტრო-ვერსიის შექმნა, ასევე Power Point-ში პრეზენტაციის გაკეთება.
დღე ძალიან დატვირთული იყო. სურათიც   ნელ-ნელა იცვლება და სამუშაოს პრინციპი უფრო ნათელი ხდება.

დღე მესამე

დღევანდელი დღე საინტერესო და აქტიური იყო. ვისწავლე ბლოგის დიზაინის დამუშავება, გავეცანი შესაბამის ინსტრუმენტებს.  ბროშურის შაბლონებს, რომელიც დამეხმარება ბროშურის შექმნაში.

 ჯგუფში დავამუშავეთ არჩეული თემის - ,,ტრადიციები, წეს-ჩვეულებანი და თამაშობანის"  შინაარსობრივი, თემატური და ზოგადი სახის კითხვები, მიმართულების მიმცემი საკვანძო კითხვების დახმარებით. მადლობას ვუხდი ჯგუფის წევრებს.

შინაარსობრივი
ჩამოთვალეთ რომელ ტრადიციებს იცნობთ?
რომელმა წეს-ჩვეულებამ მოაღწია ჩვენამდე?
საიდან იღებს სათავეს წეს-ჩვეულებანი?
აღწერეთ სხვადასხვა თამაშობანი.
აღწერეთ ტრადიციის ერთ-ერთი სახე.

თემატური
არის თუ არა ტრადიცია ეროვნულობისა და სულიერების ნიშანი?
რამდენად შეიცვალა ტრადიციამ, წეს-ჩვეულებამ სახე?
რისი გაკეთება შეიძლება ტრადიციების გადასარჩენად?
რატომ გვჭირდება მისი შენარჩუნება?
რით არის საქართველი განსაკუთრებული?

ზოგადი
 რა გავლენას ახდენს წარსული მომავალსა და პიროვნებაზე?
რატომ არის მნიშვნელოვანი ჩვენი წარსულის ცოდნა?
რატომ ჭრი იმ ტოტს რომელზეც ზიხარ?

ბ-ნ: გიორგის დავეთანხმები და ბოლო კითხვას გავიტან ზოგადში.
ასევე განვიხილეთ შეფასების  სხვადასხვა მეთოდი. მივიღე დავალება, რომელიც მომდევნო ტრენინგისთვის უნდა შევასრულო. ბროშურაზეც მომიწევს მუშაობა, ასე რომ ნელ-ნელა იმედია გავერკვევი.

დღე მეორე

დღეს  განვიხილეთ შერჩეული თემები, მიზნები, 21-ე  საუკუნის უნარ-ჩვევები და სტანდარტები, რომელიც შაბლონში გავწერეთ. გავეცანი ბროშურების შექმნის ფორმას.
შევქმენი ბლოგი, ეს ჩემთვის სიახლე იყო, რომელიც ძალიან მაინტერესებდა.

დღე პირველი

  სასიამოვნო იყო ტრენერთან,  ბ-ნ: გიორგისთან და 214-ე სკოლის მასწავლებლებთან შეხვედრა. გავეცანი ინტელის პროექტის  შაბლონს, რომელიც იქნება სამუშაო ფორმა. ჩავიწერე ბლოგისა და საიტის  მისამართები, რომელიც დამეხმარება მუშაობაში. ავირჩიე თემა პროექტისთვის, ვიმედოვნებ შევძლებ განხორციელებას.